PEUKEUH GEUTANYOE NA ROEH

Atadroe Mukhtar

Bukon salah polpen hanjitroen daweut,

Bukon salah buet lahe peukara,
Mungken kamasa bak ujong jih tiruet, 
Lage geumaksuet le ureung tuha.

Geuyue jak sikula seureta dg jak beut,
Geuyue meununtuet yoh manteng teuga,
Tajak sikula ngat bek gop peungeut,
Tajak bak beut ngat taturie haleu-riba.

Yang jroh hate lagak ngen sifeut,
Hana geujak peungeut bak manusia,
Geupeugah haba tutoe that lembuet,
Takaloen lam buet cukop meuwibawa.

ISLAM SE DARAH

Atadroe Mukhtar

Assalamualaikum Warahmatullah,

Jaroe dua blah nyengna bak tuboh,

Kadang hana roh wate lon ba kisah,

Silap ngen salah meuah rakan beh.

Saleum pembuka awai lon peuhah,

Supaya nak ceudah haba lam ratoh,

Sigalom takayoh keutangen tapandrah,

Kadang cit reubah bhan jih beureutoh.

Keu-eung campli teurasa bak lidah,

Keu-eung lam babah wate tapajoh,

Lam Gule Reuboh na bayam mirah,

Leumak kuwah na engkoet teucroh.

Didalam rateb Taseubut ALLAH,

Kalimah Taybah takeun beusunggoh,

Taseurah tuboh kepada Poe teu ALLAH,

LAILAHAILLALLAH BEKNA TOM PUTOH.

Tasimpan beugot lembaran seujarah,

Mahligai indah bek sampe runtoh,

Dari hama tikoh ngen gigitan lintah,

Beurela darah jile bak tuboh.

Agama islam lembot ngen tabah,

Sifeut Rasulullah geubie peunutoh,

Beuthat pih musoh Islam dijajah,

Bekna rasa gundah JIHAD beusunggoh.

Tapinah beuji-oh Nafsu Amarah,

Tapinah beubagah bekle na lam tuboh,

Bek le takiroh sinoe dalam Daerah,

Tanyoe tengoh dijajah jabren dari ji-oh.

Peu-peu nyeng sanggop tabie seudekah,

Peu-peu nyeng mudah seulaku tuboh,

Asal bek rapoh teukanceng bak  lidah,

Tan sapeu peugah teu-iem dikeurupoh.

Islam sedunia laksana sie darah,

Cit saboh Ka’bah lam rangka tuboh,

Trageudi putoh geulinyueng siblah,

Oh ban roe Darah na jaroe yg sampoh.

Merpati terbang jiwoe u meukah,

Jiebeudoh tiwah jiwoe u Meulaboh,

Wate berlaboh beumeusahoe Arah,

Bek meula-en Arah wahe rakan Beh.

ALLAH YA-SALAM ALLAH YA-MUHAIMIN,

ALLAH YA - KAWI ALLAH YA - MAJID,,,

BEUTALOE MAKSIT BEUMEUNANG TAAT,,

NEUBRIE BEUSELAMAT KAOM MUSLIMIN

.

OLEH : MUKHTARUDDIN, S.Sos

13 Agustus 2014

AKANKAH TANYOE MUENYEUSAI 'OH WATEE SUKRET (Sya'ir Aceh)

Akhbar Al-Mutawassila

Assalamu'alaikum, ayyuhal ikhwan
Inong ngon agam, jamak lon sapa
Tapujoe Allah, nyang Maha Rahman
Keu Nabi khatam, Rahmat Sijahtra

Meusoe nyang galak, nibak nonton bhan
Dak teungoh malam, laju meujaga
Didalam rika, wahee e taulan
Ca-e peringatan, bacut lon seuba

Hudep geutanyoe, lam bumoe Tuhan
Nibak saboh jan, jawoeng keulua
Saleh pih uroe, atawa malam
Troek janji Rabban, 'Izrail teuka

Hanjeut peu iseuk, atau lambatkan
Nyan keutentuan, laju tarasa
Hana geubida, rakyat ngon sulthan
Puteh ngon itam, tuha ngon muda

Jai that-that ureung, Guree khabarkan
Bak sukret sinan, meunyesai raya
Na nyang ladoem, pinta bak Tuhan
Lakee kesempatan, geuneuk 'amala

Geuneuk seureukah, infaq dan Qurban
That keinginan, bantu fuqaha
Keu aneuk yatim, harok watee nyan
Geubri santunan, ubit ngon raya

Teuma nyan laen, lom seubahgian
Na ladoem 'abdan, nyang Hoby bola
Geuneuk tadarrus, baca quru an
Dan shalat malam, zikir pih beuna

Geukeumeuk jak beut, laen lom si"man"
Hajat digobnyan, asoe masjida
Sabee jama'ah, bek ketinggalan
Meuwoe keu si"man", hudep sederhana

Teuma nyang carong, luwah pemahaman
Meunyesai gobnyan, tan bagi 'ilma
Takot yoeh awai, sama kepandaian
Geu seumbunyikan, geubagi hana

Di Ahli maksiet, dan kesalahan
Judi ngon khamran, beserta Zina
Meunyesai that-that, lakee bak Rabban
Geuneuk lakukan, Taubat Nashuha

Nyang cinta harta, nibak masa nyan
simpanan bak Bank, intan - permata
Geukeumeuk publoe, bandum atra nyan
Geuneuk infaqkan, jalan agama

Takot nyoe tinggai, diperebotkan
Lee aneuk gobnyan, agam ngon dara
Lee that lom laen, meunyesai datang
Bila hai taulan, lam donya lagha

Ca-e lon tuleh, cuma bayangan
Maksud lon tuan, peugoe syedara
Sigohlom tanyoe, alami meunan
Kana persiapan, 'oh sukret teuma

Hanapu 'ujub, harta meukuyan
Haji hai rakan, tan peurlee bangga
Infaq seudeukah, bek tasiarkan
Beserta qurban, bek ta seuranta

Nyang ka tapubuet, uroe ngon malam
Ta niet lam qalban, Lillahi ta'ala
Bek gara-gara, gugor amalan
Meunyesai teuman, soe tulong hana

Meumada 'oh noe, ca-e lon karang
Pat keusalahan, neupeugah sigra
Tanyoe meulakee, jeut peringatan
Asoe didalam, jeut tapeu makna

URENG KEUMARANG

Dekda Ryani Part II

gawat that panton jikarang
gawat han ban panton jiputa
gawat melempah ureung keumarang
gawat hy rakan kon pura2

yg ladom karang pakat jak muprang
tp ngon parang kon ngon senjata
wate tabaca hayut pikiran
masak ngon parang operasi dada

di apa lambak pih saboh macam
geujak mu'u blang moto heng geuba
oh wate reuloh moto dlm blang
pakiban rakan bengkel pi hana

tema yg ladom saboh piasan
jiba karangan mslh cinta
ka diyak peugah dlm karangan
ek geulinyung rakan ie susu rasa

han ek tapike ule teuh mumang
soal jaringan lelet lempah na
wate tatuleh panton takarang
loding hy rakan gadoh semua...

Heek deech...

NAGAN RAYA MAJU

Irwandi

Gampong blang ara tapeu maju,
beuna tgk rata desa
tajak sikula pteh keu gru
mngat mesyu dituri nama

nagan rayu tapeu maju
suka makmu tboh keu kota
dak swak pnton hna le seungu
inan keuh ta eu kalage kota
inan kateudeung ngen Pltu
mngat hu lampu ngen cah bola
inan keuh btas bak PLTU
NGEN sboh alu btas kota
nagan raya nyo hayut oh ta eu
wte metume milpat ganda
megunca2 pde oh tame eu
mnyo di tadue laen lom cra
tjak hay rakan jno ta eu
bek rgu2 whe syedara
kleuh geu pateung brat ngen timu
wte ta eu di nagan raya
dri meulaboh kna PLTU
mnyo di timu chit ngen abdya
nyan et jembatan kleuh geuboh ceu
oh wte ta eu ngen abdya
mnyo selatan chit et bak alu
oh wte ta eu beutong banggala

• 
  
• 

  Atadroe Mukhtar

  Alhamdulillah keuhendak tuhanku,
  Maha teupeu lam jagat raya,
  Nagan Raya nanggro that maju,
  Lahe suka makmu keu ibu kota.
  
  Lam blah luah rakyat jak mu'u,
  Bibit geutabue timoh ban slingka,
  Oh wate panen nyata dum ta'eu,
  Lam guni geuku pade megunc2.
  
  Tanoh yang subur jet tapula labu,
  Jeut tapula dumpu tanaman muda,
  Kehendak yg kuasa keu tanyo tgku,
  Metamah maju semoga bejaya.
  
  Di suak punton teudong PLTU,
  Jeut tapuhu lampu aceh sebangsa,
  Metamah ngen PLTA sideh pucok alu,
  Wahe e tengku lewat jalan ulja.
  
  Ngen hase sawet laen mejampu,
  Keu barang dapu kasep meumada,
  Lahe lam budaya pusa indatu,
  Mandum geuku asal nagan raya.
  
  Ureng yg sopan rame tengku2,
  Sifet yg luhu lembot pribahasa,
  Buken peubeda jak peudeh hayeu,
  Tapi nyan tengkt beutoi lage nyata.
  
  Mandum di aceh jino kamaju,
  Hana le karue lam haro hara,
  Semoga sejahtra talake ukeu,
  Neubri beu makmu aman sentosa.
  
  Aamiin.

.......BEK SALAH PiLEH.......

Fajar PutraAceh Beutong

Bungog jumpa emang tat mirah,
leupah tat cedah ta kalon lagee,
bek salah pileh whe meutuwah,
pleh cntik ngn cdah glom tente,

yang tanyo pileh whe mtuwah,
yang pujoe Allah di titip watee,
serta beditem kedeh di lngkah,
kedeh bk dayah atau bak balee,

serta seutia yang ditem singah,
troh keudeh lepah oh uro page,
meunan ke hba yang ulon olah,
saleum lon tuan ketuaaaaa ALP

• 
  
• 

  Atadroe Mukhtar 

   Pusat islam dinanggroe meukah,
  Na teudong ka'bah tempat pang ule,
  Citka meteunte kuasa bak Allah,
  Nanggroe metuwah kadari dile.
  
  Pileh tapileh takaloen beupah,
  Bek salah ruwah asoe lam pangke,
  Pike dile takaloen beupah pah,
  Ahklak yg ceudah beutaat keu gure.
  
  Yang meu iman tem pujoe Allah,
  Hana geupeuhah jelbab bak ule,
  Lembot ngen tutoe haba jih peugah,
  Geutem jaga lidah na rasa male.
  
  Haba di adoe cukop that indah,
  Panton pie ceudah rap dirui bule,
  Meu asek ule sambilan lon langkah,
  Pingin jak bak balah hana kugese.
  
  Rupajih di adoe santri bak dayah,
  Sabe na dakwah sejak dari dile,
  Dilon that seunang hana pat peugah,
  Kasabe arah santeut ngen ule.
  
  salam kembali adoe metuwah beh.
  
  

  • 
    
  • 

    Fajar PutraAceh Beutong  

     

    Ktua ; Atadroe Mukhtar
    Memang tat beutoi bpak npgah,
    leupahtat ceudah pntn nerawe,
    hana yang kureung hna yg slah,
    wate neukisah ceudah bn pi 'e,
    
    kibla ureung islm emg umekkah,
    kiblat ta yang pah bak kbu nabie,
    menyo pileh judoe yang na ibdah,
    ule tan di pehah aurat tan deuhle,
    
    peulom pih di tem di pujo Allah,
    menan meutuwah yg mesmpee,
    tapileh judoe bek salah salaaaah,
    beksape mtuwah ka rugo hatee,
    
    hana lee guna adak ka reusaah,
    ada taroe ie mata hna guna lee,
    yang keuh bak nyn tapileh bpah,
    ta eu yang jeulah keu aso sipre,
    
    meah eee ktua telat lon balah,
    teulat ku langkah ulon merwe,
    maklum keu ino jaringan hnpah,
    sibuk sileupah jaringan bohate,
    
    saleum kopak

TAJAGA BUNGOENG DESA

Atadroe Mukhtar

Seukuntom bungong timoh didesa,
Pageu seulinga pacang that kukoh,
Tunong ngen baroh na ureng jaga,
Sibungong jempa mise ulon boh.

Beungoh geusiram supot geupeugla,
Bek hama jak cuca bungong dilampoh,
Kawat geuboh jarak siejeungka,
Harap beujaya mangat bek putoh.

Tapi ternyata oh ka dewasa,
Rame yg suka keunan jipiyoh,
Han jan thoe reu'oh wate ban teuka,
Jipeugah cinta gombal seretoh.

Alahai kumbang pemuda desa,
Bek tajak cuca bungong dilampoh,
Bek tanit broh ban takalon rupa,
Bek tageulawa nyo tapoet hantroh.

Bungong ban timoh umu that muda,
Pantas tajaga bek sampe luroh,
Walau dilampoh getanyoe suka,
Tapi benasaba wahe rakan boh.

Menyoe kawate cit kajatah gata,
Tapi bek berpura2 wate taruloh,
Ta ingat keu tuboh oh ban mala,
Male jih raya sahoe hana le roh.

Kepeu teuh guna islam teuh raya,
Menyo hana tajaga akidah tasampoh,
Tanaman luroh habeh dijak cuca,
Yang leumpah gura mandum jipajoh.

Keu gata dara bungog lam desa,
Beutatem jaga bek sampe loyoh,
Asai deuh tikoh jok racon serangga,

Jet wababuta geureuda sampoh.

Kuta Nagan 

Haba getujue kepada pemuda,
Geuyu jak jaga tanaman dilampoh,
Wate tapiyoh peugadoh leuga,
Tapreh thoe ija senalen tuboh.

Emang that betoi lage geurika,
Keu kawom hawa mise geuboh,
Tunong ngen baroh saleng mnjaga,
Bek sampe mala but tanyo ruloh.

Walao lam hate teurasa suka,
Na rasa cinta han ekpreh tanggoh,
Tapi beuroh lage kheun etika,
Beuna taharga keu urg po lampoh.

Keu Ureung inong dara didesa,
Yoh manteng muda jame pi troh,
peulom sunggoh pujoe ta ala,
Wanita saleha bie keulön boh.

Hafidz Kom Puter 

Wate loen dengo gata ba rika,
laju ku teuka keuno ku laboh.
Laju lon kayoh ngon honda pespa,
ka patah roda rante neu putoh.

Umpama neuboh bungong ta pula,
Umpama dara mise gata boeh.
Cukop meu atoe sajak neu puta,
lage ban bola u gawang tumboh.

dilo sep rindu lagenyoe haba,
dengon ketua keunek meuratoh.
Katrep that dilon lage sang hawa,
nibak meu cuca rika han putoh.

Biok ku sambong lage yg neuba,
beutoi neu rika di dlm ratoeh.
Bek sampe kumbang sabe di goda,
sibungong jumpa dakjeut bek luroh.

Bak tangke tamat bungong dahlia,
beugot ta jaga bek sampe luroh.
Ta jaga bungong oh angen raya,
bek sampe jiba asoe lam bungkoh.

Andes Ram Nysak 

( Jaga sikuntom )
Tapegot page bek bala tutoh,
Tajaga lampoh bek kameng cuca,
Tajaga rupa ibu yang jiitoh,
Bek tame lambroh ureung cik gataa,

Kurawi haba ketua petroh,
Ngat bek salah ne pajoh roh yang metuba,
Kurawi rampak haba penajoh,
Haba. Mesaoh cukop ngon fakta,

Abg Atadroe Mukhtar jino lon katroh,
Lon ba penajoh nasehat haba,
Uram bang rawi pucok ka jioh,
Treb tat ilon troh lam rampo kita,

Memang nejaga hai bungong lampoh,
Bek sampo netiek brouh bak ureng tuha,
Male di donya akhirat hantroh,
Nyo ulon petroh bek kira gasa,

Bungong yang haroum be cukop jioh,
Be nyan sampe troh saboh ABDYAA,
Memang seb hek tajaga tuboh,
Nafsu yang trouh memacam warna,

Kutuka bicut yang kumbang pajoh,
Sama cit bek roh yang menan cara,
Sama tajaga dak jet be jioh,
Nyo wate katroh ne lamar saja,

Kumbang desa jareng jino rouh,
Sebab ka di pajoh le kumbang gulana,
Kumbang gelante yang jahat pajoh,
Dakjet bek letroh bek le di cuca,

Meah bicut gasa ku rawoh,
Sebat kumbang yang bag atadro bohh seb langka2,
Hek tat tamita nyo nyan penajoh,
Nyo yang hawoh2 jino le ka u JAKARTA,