NANGGROE PAHLAWAN

Oleh : Khairul Muna

=============================
nyoe tanoh rincong, nanggroe pahlawan.
tanoh iskandar, yang mat keurajeun.
dithee le musoh, troh nibak jeupang.
nanggroe sep keujam, bak masa jameun.

han pirang pirang, reubot peukateun.
beulanda paleh, yang phon that keujam.
tanoh dijak cang, ngon ujong peudeung.
ateuh peudalam, di musu tam tum.

pahlawan aceh, beuhoe ngon tungang.
seunalop badan, bagoe hanlhuet ceung.
keuheundak Tuhan, hana di makeun.
keubai di tuboh, meuaroh keurang.

cit han sampoe lham, aneuk ie dadeung.
ateuh barisan, aceh yoh jameun.
bandum na beukai, kalam Al-Qur`an.
uroe ngon malam, sit nyan geumakeun.

ngon Ilmee badan, nanggroe geupeutheun.
bak jaroe kafee, hanjeut meuligan.
walau tantangan, meucabeung cabeung.
seumpat lon tuan, meucici hindreun.

sinan meutuleh, nibak masa prang.
di simpang mamplam, kafe geucakeung.
oh tei geuhadang, musoh geusintheung.
teunteura morses, hayeu kon wayang.

ek sit geupeulham, ngon sikrak peudeung.
sinan geucang cang, rap bineh uteun.
ureung kuramat, jumeulah lapan.
hanpue di lawan, masa nyan aduen.

kageucok pulang, laju bak nyan jeum.
troeh dari timu, laen bantuan.
gob nyan diseurang, lagee sang ujeun.
tungku di lapan, ka syahit bandum.

padum na seudeh, aceh masanyan.
ureung di sayang, duroh bak cabeung.
banda ngon medan, wahe e aduen.
di cot geulungku, neupiyoh sinan.

na keuh teupampang, saksi ban mandum.
roet simpang matang, tawet keuh uneun.
bak sang meumada, nyoe saboh karang.
deungan wassalam, jinoe ulon leung.

maklum tan pangkai, haba ulon kheun.
haba lon deungoe, bak ureung awai.
di ateuh rangkang, bak jambo neuheun.

keu nanggroe aceh, tanoh sep leo prang.

deungan fhui gateh, watee di seurang.
watee di timbak, kanibak badan.
nyan ban keuramat, leo dum pasukan.
ulama aceh, geubri dukungan.

dalam seujarah, na saboh karang.
nibak masa nyan, tungku di lapan.
meuploh droe mate, musoh lam reugam.
tapi keuheudak, kanibak Tuhan.

hana trep lawet, bandum meuninggai.
miseu na neujak, meujalan jlan.
jak samalanga, tamong u dalam.
meupat na salah, meuah lon tuan.

WATE JIE PEUKHEM

Atadroe Mukhtar‎

Cicem teureubang jipoe meunyandreng,
Teuma nyeng laen jidong cong bak pala,
Ureung meupukat geutarek nyareng,
Di ureung laen duek dibineh kuala.

Geupok-pok jaroe serta ngen geukhem,
Oh jiepoe cicem meupasang dua,
Ureung jak tik JEU reubah lam aden,
Teukeujoet dalem gobnyan binasa.

Aneuk mit cut-cut keutangen diweng,
Galak teuh meucen sie umu paja,
Seunang bahgia dalam uroe kleng,
Ditiyeub den-den meulomba-lomba.

Hanjeut keu contoh hanjet tasalen,
Nyoeka han jitem hanjet tapaksa,
Tacok nyeng patoet lage khen baten,
Hai puteh licen peunawa luka.

Bek teupeungaroh dgn sue den-den,
Bek keuh meula-en meubalek haba,
Jet tapeubeda ie laoet masen,
Dengan ie Aden jioh that beda.

Jeh pat cong bak drin ci takeureuleng,
Acie tapaleng cong bak meuriya,
Geutah ngen centra serta pelaken,
Bek keuh gata Tem rot dalam dosa.

Tapandang ukeu rumeh beuteukhem,
Peulunak baten jaga wibawa,
Menyoe kahanco luroh mekupeng,
Dumpue kamasen hana le rasa.

Wate jie rinsak bek keuh jue tatem,
Wate dipeukhem beurayok saba,
Tetap pendirian komitmen baten,
Lage kheun cutlem bek balek fakta.

Kasep keuh dile haba lon salen,
Bak wate laen tasambong haba,
Lumpah that merdu ureng proh suleng,
Lon keureuleng pingin peunyata.

Masa Jak Sikula TK

Atadroe Mukhtar

Masa yoh ubiet phon-phon bak TK,
Sinan keuh mula tanyoe mak buku,
Teuma wate nyan galak meugamba,
Serta meng-ija dengon meulagu.

Teumpat tameu'en masa balita,
Santeut usia taduek sibangku,
Galak silumpah cukop gembira,
Karna jak kula pakek sepatu.

Pikiran jeurneh galom meunoda,
Galom meuganda laen meujampu,
Peu nyeng jipeugah hana le lupa,
Tajam keunira dalam i-Qi-Yu.

Bek sampe jinoe tuwoe keu jasa,
Wate sikula kana es satu,
Ureung yg awai perunoe baca,
Phoen taturi A bak ibu guru.

Wate ku-ingat jai nyeng kalupa,
Maklum syedara bpak dan ibu,
Yg na teu-ingat syiet saboh saja,
Lagu garuda ngen satu-satu.

BATEI GIOK

oleh Sudirman

Ticem meunari ateuh bak kayei,
Pajoh boh jambei nyeng ka got masak,
Wahe rakan lon keuno ju ile,
Tapeugot lagei jeut mangat ramphak,

Nyengna di gampong atau di keudei,
Mandum peureulei keuno ju tajak,
Nyeng jak ulaot jak kawe suree,
Atau bak lampei publo boh salak,

Nyeng meukat sabon ngen eungkot kasee,
Nyeng meukat sabee inan di langkak,
Nyeng meukat ranup seureta gulei,
Seureuta tempei geuba ngen becak,

Nyeng meukat kueh deungon ie teubei,
Ka geujak me mei deungon geureubak,
Meukat es campur jampu es batei,
Nyeng meukat bajei seureuta rujak,

Ino di nagan nyeng saboh lagei,
Masalah batei cukop that ramphak,
Banbandum ureung ka abeh lalei,
Teumasok kei-kei turot na kujak,

Makwa po kasom riyoh tip watei,
Karena lungkei gobnyan abeh phak,
Ka abeh diphok oleh meulintei,
Oh geu eu lagei cutpo sep palak,

Jino that rame ureung keunan meurei2,
Bak asah batei meulagak-lagak,
Kasapu pakat tuan ngen meulintei,
Hanale malei nyan keuh dum galak,

Na batei giok meumacam modei,
Dua deungon lheei lon ujo ceiplak,
Kudengoe2 gob kheun nan batei,
Ku ujoe tirei kurawak-rawak,

Meunyoe indogres rame peureulei,
Solar pih teuntei ramei nyeng galak,
Nyo badal besi hitam meuteuntei,
Dua ploh ribee yum saboh petak,

Meunyoe nyeng neprid cit tan soe lakei
Padahai bak kei rap saboh becak,
Ulon peutaba rata jeut keudei,
Ka bulut bajei dilon bak kujak,

Jeh dileun rumoh sibak bak jambe,
On nyeng kalayei duroh diyub bak,
Nyo bak kupikei sang ka heng ulei,
Haba meugesei leh ho meusawak,

Maksud kupeugah dilon e keumbei,
Bakbut meubatei ckop that ramphak,
Hasei bak publo meureutoh ribei,
Jeut tablo bajei nyeng tan keulepak

Cuma lo agam nyeng manteng balei,
Asoe peunangkei golom dibawak,
Padahai umu karap lhei ploh lhei,
Glom meuteume pajoh mertabak,

Katimoh janggot keuriteng misee,
Golom Tacom bei boh panah masak,
Yoh manteng peungeuh cahaya sentei,
Boh drien nyeng meubei talhoh diyub bak

Cabeung jih tupat ateuh bak mane,
Teumpat meu adei siticem merak,
Nyoe keumeu meukawen hana jeulame,
Bek male-male talake bak pak,

PANTON ACEH

Atadroe Mukhtar

TRAGEUDI 

ie krueng jile saban liku,
Jih meuhadu dalam tuwi,
Han meupisah walau karu,
Cit meunyatu saboh misi.

Tapeuguna macam dumpu,
Tatagun bu ngen meusuci,
Untuk tajep ngen rah baju,
Tiep-tiep waktu tamiliki.

Miseu haba panton buhu,
Rentang waktu los kendali,
Hanco punah meudabe hu,
Dalam kubu preh menanti.

Tengoh rayok nyata ta-eu,
Jie ba dumpu sajan ngen i,
Oh ban kabeh meusu guyu,
Tan soe bantu ngon peuduli.

Tengoh hudep jet tameusu,
Lakee bantu bak vamili,
Jet meusulet hanso teupeu,
Nyoetan die-Eu le ensani.

Jika putus bunga layu,
Lurus satu atas bumi,
Sudah tamat lihat buku,
Tentang laku nasib diri.

KECUALI AMAL KEBAJIKAN...!

CONTOH NYENG PATOET

Oleh : Atadroe Mukhtar

PANTON ACEH

Lagak dipasie geulombang laoet,
Swasana supoet cahya meuble-ble,
Lagak prilaku yg leumah lemboet,
Rapi meubaloet geujaga sabe.

Oh geumetutoe hantom ceumaroet,
Hantom meupoet-poet lewat rot FB,
Pantas tacontoh beutatem ikoet,
Ateuh nyeng patoet peulunak hate.

Sidroe petani geupula ramboet,
Pageu geucabot hana meurante,
Meusoe keuh hawa hate teupawoet,
Bek keuh lam supoet tanyoe jak ruge.

Pakri nyang dikeu juga meulikoet,
Meuputa bawoet acuan engse,
Nyoe pah aturan hana soe jak dhoet,
Nyoeka pah bawoet han le jigese.

BEK GALAK BUKA AIB GOB

Atadroe Mukhtar

11 jam · Disunting

Assalamualaikum tangglong jenulang,
Saleum mulaan keupuphon haba,
Lon hoi syedara pemuda seudang,
inoeng Agam Tuha ngen muda.

Tujuan ngen maksud hajat lon datang,
Jak sambong ikatan jalenan syedara,
Dua krek haba kata lon layang,
Keu mandum rakan seluruh Anggota.

Saboh ceurita masa yoh silam,
Masa saboh jan dengoe calitra,
Bak saboh masa Nabi Nuh berqalam,
Dgn binatang berpasang2 dua.

Mandum binatang gepeu'ek rijang,
U wateuh kapal meunan calitra,
Nabi Neu Amanah mandum binatang,
Bekna kerjakan hubungan misua.

Alasan geubi peugot peraturan,
Bekna kejanggalan peunoh anggota,
Dalam perahoe kasep penumpang,
Getakot lham ngat bek binasa.

Akhe cerita kuncing(mieng)Keliatan,
Jih saksika Anjing(asei) melangga,
Beudoh le sigra laju di laporkan,
Nibak Rasul Tuhan Sifet tercela.

Laporan yg jibie geucok tindakan,
Getanyeng rijang binatang ban 2,
Gata dicela melanggar aturan,
Berhubungan badan peturot hawa.

Asei han jingaku ateuh kelakuan,
Hana pengakuan lage di cela,
Kali keudua buet yih terulang,
Yg saksikan mie(kuncing) penyata,
Tapi tetap hanjingaku ateuh kesalahan.

Kuncing mohon nibak Rasul Tuhan,
Getulong doakan bak Allah Taala,
Beu deuh bukti lage dilakukan,
Jeut ketahuan bak laen anggota.

Doa geteurimeng lage dipanjatkan,
Laju ketahuan peu2 yg dikerja,
Male muka Asei ban dua saban,
Krna Alat fital galom teusut uluwa.

Lheuh getepeu le Nuh Alaihisalam,
Buken pendustaan lage dicerita,
Male that muka Asei ngen laen kawan,
Ka ketahuan aib jih kaji buka.

Dudo ohlhuhnyan asei medoa reujang,
Lake beusaban aib beuterbuka,
Lage jih rasa male hana ban,
Oh wate ketahuan bak laen warga.

Doa geterimeng juga le Tuhan,
Kuncing mesraan wate berdua,
Jimeusu raya jiklik meutran-tran,
oh hubungan badan diawaknyan 2.

Kasama2 male mandua saban,
Gara2 dombaan buka rahasia,
Sampo akhe masa menan kejadian,
Sabe ketahuan hana le rahasia.

Tanyoe manusia lagenyan syit bek that galak tajak2 buka AIB gob, singoh Allah bka Aib gtanyo di akhirat.

Pasca Penutupan Masjid Aqsha

Atadroe Mukhtar

.

Ujeun jitoeh kehendah Allah,
Tadingoe gah sinoe dinanggroe,
Rata jeut sagoe ie ka limpah,
Sudut arah jembatan beusoe.

Rakyat lam desa rame musibah,
ie meulimpah raya han bagoe,
Honda-motoe diseramo mekkah,
Ladum daerah kahanjeut diwoe.

Lam youtube vidio di unggah,
Lam peuneugah kana 3 uroe,
Ujeun meutaloe umat kasusah,
Rumoh Allah hanjibie peutoe.

Prajurit israel jinoe lon peugah,
Tujuan kisah didalam rampo,
Masjid Aqsha han jiebi langkah,
Awaknyan ilah han jibie toe-toe.

Tanyoe muslim yg sie darah,
Doa tanadah meusigoe sapoe,
Talake bak poe Dzat yg meugah,
Bak poe teu-Allah beutroh sampoe.

Bek jie hancoe tmpat sejarah,
Timur wilayah sinan e putroe,
Tempat sarana peubut ibadah,
Hamba Allah sujud bak poe.

Tujuan awaknyan dilake siblah,
Dilake jatah beusiblah sapoe,
Sinan meusahoe peubut ibadah,
Menurot sah lam agama droe.

Kasep keuh dile haba siepatah,
Rika lam kisah beunoe yoh uroe,
Jinoe kasampoe Alhamdulillah,
Lheuh lon unggah kamangat asoe.

SEULAMA KANA PESBUK

Atadroe Mukhtar

Meujuta jiwa geupakek pesbuk,
Profil geupeuduk pengenal droe,
Ladum di ureng lumpah that sibuk,
Meutamah gabuk malam ngen uroe.

Untuk terhubong sambelan taduk2,
Peugadoh sentuk dgn rakan droe,
Tapi yg ladum penyaket ka jieduk,
Nyoe tan meu-en pesbuk pikiran kacoe.

Awai yoh dile lumpah that sentuk,
Hana meukeutuk lage nyan bagoe,
Jinoe lam rampoe panton meucruk2,
Slama na pesbuk meturi awak droe.

Siegapeuh panjoe luroh meusipreuk,
Sibatang eumpeuk leumoh asoe,
Jareng lam nangroe jie meu-en badeuk,
Hana diyup bruk umpung keumeutoe.

Tapi nyo fakta lage lon peuduek,
Lewat nyo pesbuk pnton lam rampoe,
Yg lumpah gawat getem petheun deuk,
Bak buka pesbuk bue-bue katuwoe.

Geujak bak jalan na yg meusireuk,
Gaki teupileuk teutop ngen duroe,
Mata seisoe hoe laen siebuk,
Ladum kateugantuk hp  lam jaroe.

NABI IBRAHIM-AS KURBEUN ISMAIL.

Lewat momentum lebaran yg kaleupah

Yg Kalheuh tanyoe papah tip thon sabe

Tanyoe meudike tapujoe poeteu Allah

Lafadh Takbirrullah awai ngoen akhe.

Uroe raya haji nama yang meugah

Buleun Dzuhijjah ta-ingat lam hate

Kalheuh Geu-uke dalam Kitabullah

 Kisah Nabi-Yullah dg sijantong hate.

Nabi Ibrahim sidroe Rasul Allah

Harta meulimpah kuta dgn gle

Tip wate sabe geubie seudeukah

Keu Fisabilillah geuniet lam hate.

Meuribe Unta meuhamboe darah

Demi Allah geu keurbeun laju le

Jroeh that hate sidroe Rasul Allah

Sehingga Malaikat Allah salut hate.

Sekian loe hareuta keu Fisabilillah

Hana  geujumlah padup yg hanale

Andai maha Ade geubie putra yg cedah

Demi Allah tetap lon bikurbeun ade.

Nadzar Nabi Ibrahim kpd poeteu Allah

Lage geupeugah keu inginan hate

Gopnyan rab tuwoe janji dgn Allah

Oh troh Maqaddasah berdoa lajule.

Doa Geuterimong le poeteu Allah

Hajar meutuwah mangat that hate

 Sie jantong hate ka geubi le Allah

U Nanggroe mekkah rika lon rawe.

Oh ban kalahe aneuk meutuwah

Geubi nan le ayah ke-bungong pade

Nabi ismail nama yang ka sah

Keturunan ayah cukop mesampe.

Singkat cerita inti lam curah

Isi lam paragraf tujuan rawe

Di ateuh supre seruan ceudah

Firman dari Allah yg maha ade.

Malam pertama 8  Dzulhijjah

Geupeunan Tarwiyah ragu hate

Mlm keudua di padang Arafah

9 Dzulhijjah Lumpoe saban sabe.

Asoe lam lumpoe jino lon peugah

Seruan dari Allah 3 malam sabe

 Kayakin hate bak Nabi Yullah

Hana le gundah baten ngn lahe. 

Wate berangkat bak hajar geupegah

Beurapi Tahias ismail boh hate

Puebut le hajar lage geuperintah

Aneuk metuwah lagak buken le.

Ohban kasiap geu-ayoen langkah

2 droe hamba Allah yg jroh pie-E

Iblis terkutuk jikalon that gundah

Di Rayu le bagah tapi han hase.

Mandum hiblis kajie balek arah

Karna sang ayah iman han reule

Meuputa suwe bak hajar jipeugah

Gobnyan pun ikhlas sepeunoh hate.

Hiblis yg terkutuk jen laknatillah

2 dro han leupah rayuan tan hase

Tujuan bakhe bek turot perintah

Pakat jak bantah suruhah kade.

Habeh keunira hiblis ka reu-ah

Bak ismail jipegah bujuk rayu le

Bek katem le dijak koh taku kah

Nyan perintah oleh maha ade.

Teuma geujaweub le Rasul Allah

Ismail geukheun sah tegas laju le

Sepenoh hate komo turot printah

Hanya kpd Allah hudep ngn mate.

  

hiblis berkincong2 melaen jiepegah

Ismail pun bagah reugam keuriker

Wate geulempar oleh Nabi Yullah

Keunong pi that pah buta dum sare.

Posisi wate nyan gepeunan Jumrah

Iblis meurupah tan meudiyeung le

Rayuan han hase metamah musibah

Murka bak Allah hiblis that jahe.

Troh di MINA laju ibrahim peugah

Bak aneuk metuwah sijantong hate

Ya Bunayya leumah lam lumpo ayah

Saboh Perintah coba aneukda pike.

Gata dikurbeun Nadzar lon ngn Allah

Coba tapeugah ngen perasaan hate

Ya Abati kheun ismail laksanakanlah

Lhuh nyan di ayah kaseunang hate.

Ismail memohon kepada sang ayah

Jeut mangat mudah bek iba hate

Geuyu rante jaro gaki geyu bereukah

Baje bek meudarah oh wate jile.

Mata lon nyo geutop wahe e ayah

Sikin geu asah beputeh meuble-ble

Karena tamate saket meulumpah

Wasit bak ayah le aneuk boh hate.

Geupuwoe baje lon nyo wahe e ayah

Jeut poma keubah teukeunang sabe

Geupeugah bak poma bekna gelisah

Dan bek gepegah cara lon geurante.

Pesan terakhir kepada sang ayah

Le aneuk metuwah ismail boh hate

Bek geuba aneuk mit urumoh wahe ayah

wate geusingah bek pandang sabe.

Takoet teu-ingat poma akan sejarah

Masa nyoe kisah han-ek gethen hate

Sebab kahana le anuek meutuwah

Krna hai ayah baroekon nasajan sabe.

  

Ibrahim kasiap ismail pun ka pasrah

Bak demi Allah hana geuragu le

Jitubiet lam hate geukhuen Basmallah

Geupujoe Allah hana pre-pre.

  Geugores sigra bak taku anek metuwah

Dgn izin Allah Ibrahim galom hase

Dudoe Khuen ismail kpd sang ayah

Geuploh bereukah bek le gerante.

Ibrahim pun turot hana geubantah

Ban kheun meutuwah anek bohate

Ngat bek tertekan geukalon le Allah

Krn tanyoe ka ikhlas sepenoh hate.

Tapi ternyata tetap galom meu-ubah

Taku han patah kurbeun goh hase

Ka geugantung tirei le poteu-Allah

Geutarok batas syiet ka meutente.

Beudoeh ibrahim geubalek arah

Dalam peuneugah geujak toe bate

Bak saban wate sikin meutuwah

Sanggop jiebeulah nyan anek bate.

Pakon hai sikin bate sanggop taplah

Jeh perintah Allah dilon goh hase

Jaweub le sikin ngen firman Allah

Berhentilah hai ibrahim bek takoh le.

Sebagai peugantoe geubi le Allah

Saboh KIBAS keu kurbeun bohate.

 =========================

ALLAHU AKBAR ALLAHU AKBAR : Kheun Malaikat Jibril........

LAILAHAILLALLAHU WALLAHU AKBAR : Sahut Nabi Ibrahim...

ALLAHU AKBAR WALILLAHILHAMD : Di Ikuti oleh Nabi Ismail...

DIMANA MUNGKIN ADA KEJANGGALAN DAN KEKURANGAN DALAM PENULISAN INI MOHON DIMAKLUMI DAN MOHON DIMAAFKAN.

KISAH ini dirangkai dalam bentuk pantun oleh MUKHTARUDDIN, S.Sos

Pada Hari Raya Idul Adha hari Sabtu, 4 Oktober 2014.

PEUKEUH GEUTANYOE NA ROEH

Atadroe Mukhtar

Bukon salah polpen hanjitroen daweut,

Bukon salah buet lahe peukara,
Mungken kamasa bak ujong jih tiruet, 
Lage geumaksuet le ureung tuha.

Geuyue jak sikula seureta dg jak beut,
Geuyue meununtuet yoh manteng teuga,
Tajak sikula ngat bek gop peungeut,
Tajak bak beut ngat taturie haleu-riba.

Yang jroh hate lagak ngen sifeut,
Hana geujak peungeut bak manusia,
Geupeugah haba tutoe that lembuet,
Takaloen lam buet cukop meuwibawa.

ISLAM SE DARAH

Atadroe Mukhtar

Assalamualaikum Warahmatullah,

Jaroe dua blah nyengna bak tuboh,

Kadang hana roh wate lon ba kisah,

Silap ngen salah meuah rakan beh.

Saleum pembuka awai lon peuhah,

Supaya nak ceudah haba lam ratoh,

Sigalom takayoh keutangen tapandrah,

Kadang cit reubah bhan jih beureutoh.

Keu-eung campli teurasa bak lidah,

Keu-eung lam babah wate tapajoh,

Lam Gule Reuboh na bayam mirah,

Leumak kuwah na engkoet teucroh.

Didalam rateb Taseubut ALLAH,

Kalimah Taybah takeun beusunggoh,

Taseurah tuboh kepada Poe teu ALLAH,

LAILAHAILLALLAH BEKNA TOM PUTOH.

Tasimpan beugot lembaran seujarah,

Mahligai indah bek sampe runtoh,

Dari hama tikoh ngen gigitan lintah,

Beurela darah jile bak tuboh.

Agama islam lembot ngen tabah,

Sifeut Rasulullah geubie peunutoh,

Beuthat pih musoh Islam dijajah,

Bekna rasa gundah JIHAD beusunggoh.

Tapinah beuji-oh Nafsu Amarah,

Tapinah beubagah bekle na lam tuboh,

Bek le takiroh sinoe dalam Daerah,

Tanyoe tengoh dijajah jabren dari ji-oh.

Peu-peu nyeng sanggop tabie seudekah,

Peu-peu nyeng mudah seulaku tuboh,

Asal bek rapoh teukanceng bak  lidah,

Tan sapeu peugah teu-iem dikeurupoh.

Islam sedunia laksana sie darah,

Cit saboh Ka’bah lam rangka tuboh,

Trageudi putoh geulinyueng siblah,

Oh ban roe Darah na jaroe yg sampoh.

Merpati terbang jiwoe u meukah,

Jiebeudoh tiwah jiwoe u Meulaboh,

Wate berlaboh beumeusahoe Arah,

Bek meula-en Arah wahe rakan Beh.

ALLAH YA-SALAM ALLAH YA-MUHAIMIN,

ALLAH YA - KAWI ALLAH YA - MAJID,,,

BEUTALOE MAKSIT BEUMEUNANG TAAT,,

NEUBRIE BEUSELAMAT KAOM MUSLIMIN

.

OLEH : MUKHTARUDDIN, S.Sos

13 Agustus 2014

AKANKAH TANYOE MUENYEUSAI 'OH WATEE SUKRET (Sya'ir Aceh)

Akhbar Al-Mutawassila

Assalamu'alaikum, ayyuhal ikhwan
Inong ngon agam, jamak lon sapa
Tapujoe Allah, nyang Maha Rahman
Keu Nabi khatam, Rahmat Sijahtra

Meusoe nyang galak, nibak nonton bhan
Dak teungoh malam, laju meujaga
Didalam rika, wahee e taulan
Ca-e peringatan, bacut lon seuba

Hudep geutanyoe, lam bumoe Tuhan
Nibak saboh jan, jawoeng keulua
Saleh pih uroe, atawa malam
Troek janji Rabban, 'Izrail teuka

Hanjeut peu iseuk, atau lambatkan
Nyan keutentuan, laju tarasa
Hana geubida, rakyat ngon sulthan
Puteh ngon itam, tuha ngon muda

Jai that-that ureung, Guree khabarkan
Bak sukret sinan, meunyesai raya
Na nyang ladoem, pinta bak Tuhan
Lakee kesempatan, geuneuk 'amala

Geuneuk seureukah, infaq dan Qurban
That keinginan, bantu fuqaha
Keu aneuk yatim, harok watee nyan
Geubri santunan, ubit ngon raya

Teuma nyan laen, lom seubahgian
Na ladoem 'abdan, nyang Hoby bola
Geuneuk tadarrus, baca quru an
Dan shalat malam, zikir pih beuna

Geukeumeuk jak beut, laen lom si"man"
Hajat digobnyan, asoe masjida
Sabee jama'ah, bek ketinggalan
Meuwoe keu si"man", hudep sederhana

Teuma nyang carong, luwah pemahaman
Meunyesai gobnyan, tan bagi 'ilma
Takot yoeh awai, sama kepandaian
Geu seumbunyikan, geubagi hana

Di Ahli maksiet, dan kesalahan
Judi ngon khamran, beserta Zina
Meunyesai that-that, lakee bak Rabban
Geuneuk lakukan, Taubat Nashuha

Nyang cinta harta, nibak masa nyan
simpanan bak Bank, intan - permata
Geukeumeuk publoe, bandum atra nyan
Geuneuk infaqkan, jalan agama

Takot nyoe tinggai, diperebotkan
Lee aneuk gobnyan, agam ngon dara
Lee that lom laen, meunyesai datang
Bila hai taulan, lam donya lagha

Ca-e lon tuleh, cuma bayangan
Maksud lon tuan, peugoe syedara
Sigohlom tanyoe, alami meunan
Kana persiapan, 'oh sukret teuma

Hanapu 'ujub, harta meukuyan
Haji hai rakan, tan peurlee bangga
Infaq seudeukah, bek tasiarkan
Beserta qurban, bek ta seuranta

Nyang ka tapubuet, uroe ngon malam
Ta niet lam qalban, Lillahi ta'ala
Bek gara-gara, gugor amalan
Meunyesai teuman, soe tulong hana

Meumada 'oh noe, ca-e lon karang
Pat keusalahan, neupeugah sigra
Tanyoe meulakee, jeut peringatan
Asoe didalam, jeut tapeu makna

URENG KEUMARANG

Dekda Ryani Part II

gawat that panton jikarang
gawat han ban panton jiputa
gawat melempah ureung keumarang
gawat hy rakan kon pura2

yg ladom karang pakat jak muprang
tp ngon parang kon ngon senjata
wate tabaca hayut pikiran
masak ngon parang operasi dada

di apa lambak pih saboh macam
geujak mu'u blang moto heng geuba
oh wate reuloh moto dlm blang
pakiban rakan bengkel pi hana

tema yg ladom saboh piasan
jiba karangan mslh cinta
ka diyak peugah dlm karangan
ek geulinyung rakan ie susu rasa

han ek tapike ule teuh mumang
soal jaringan lelet lempah na
wate tatuleh panton takarang
loding hy rakan gadoh semua...

Heek deech...

NAGAN RAYA MAJU

Irwandi

Gampong blang ara tapeu maju,
beuna tgk rata desa
tajak sikula pteh keu gru
mngat mesyu dituri nama

nagan rayu tapeu maju
suka makmu tboh keu kota
dak swak pnton hna le seungu
inan keuh ta eu kalage kota
inan kateudeung ngen Pltu
mngat hu lampu ngen cah bola
inan keuh btas bak PLTU
NGEN sboh alu btas kota
nagan raya nyo hayut oh ta eu
wte metume milpat ganda
megunca2 pde oh tame eu
mnyo di tadue laen lom cra
tjak hay rakan jno ta eu
bek rgu2 whe syedara
kleuh geu pateung brat ngen timu
wte ta eu di nagan raya
dri meulaboh kna PLTU
mnyo di timu chit ngen abdya
nyan et jembatan kleuh geuboh ceu
oh wte ta eu ngen abdya
mnyo selatan chit et bak alu
oh wte ta eu beutong banggala

• 
  
• 

  Atadroe Mukhtar

  Alhamdulillah keuhendak tuhanku,
  Maha teupeu lam jagat raya,
  Nagan Raya nanggro that maju,
  Lahe suka makmu keu ibu kota.
  
  Lam blah luah rakyat jak mu'u,
  Bibit geutabue timoh ban slingka,
  Oh wate panen nyata dum ta'eu,
  Lam guni geuku pade megunc2.
  
  Tanoh yang subur jet tapula labu,
  Jeut tapula dumpu tanaman muda,
  Kehendak yg kuasa keu tanyo tgku,
  Metamah maju semoga bejaya.
  
  Di suak punton teudong PLTU,
  Jeut tapuhu lampu aceh sebangsa,
  Metamah ngen PLTA sideh pucok alu,
  Wahe e tengku lewat jalan ulja.
  
  Ngen hase sawet laen mejampu,
  Keu barang dapu kasep meumada,
  Lahe lam budaya pusa indatu,
  Mandum geuku asal nagan raya.
  
  Ureng yg sopan rame tengku2,
  Sifet yg luhu lembot pribahasa,
  Buken peubeda jak peudeh hayeu,
  Tapi nyan tengkt beutoi lage nyata.
  
  Mandum di aceh jino kamaju,
  Hana le karue lam haro hara,
  Semoga sejahtra talake ukeu,
  Neubri beu makmu aman sentosa.
  
  Aamiin.