Minggu, 29 Maret 2015

PEU-INGAT KEU ANEUK


Alahai doe kuda idi,
Alahai di boh hate ma.
Deugoe wasit bacut lon bi,
Aneuk abi beumeuguna.


Gata hai neuk mantong bayi,
Poma dodi seubut ASMA.
Sidroe ALLAH beutaturi,
Maha tinggi peujeut donya.

Langet bumoe serta isi,
Khendak Rabbi laju kana.
Muhammadan nyankeh Nabi,
Geurasuli dalam donya.

Tameungucap syahadati,
Keu ilahi teurutama.
Dudoe lheh nyan untuk Nabi,
Dengan bunyi di bawanya.

ﺍ َﺷْﻬَﺪُﺍَﻧْﺎﻟَﺎﺍِﻟَﻪَ ﺍِﻟَّﺎﺍﻟﻠﻪُﻭَﺍَﺛْﻬَﺪُﺍَﻥَّﻣُﺤَﻤَّﺪًﺍ
ﺭَﺳٌﺆﻝُ ﺍﻟﻠﻪ
Wate rayoek aneuk abi,
Tajak ngaji bak ulama.
Haleu harem ngat taturi,
Nyeng toh keuji dgn hana.

Peugah haba hati-hati,
Bek roh benci ngen sesama.
Takeureuja pajoeh gaji,
Beu nyeng suci hai aneuk ma.

Peurintah poe taturuti,
Nyeng han geubi tanda tanya,
Maka jak beut mendalami,
Ngat jeut meuri sempureuna.

Ayah ngon mak saran meubi,
Bek tacaci ngoen tahina.
Adun - gure bek ta benci,
Dak vamili nyan pih sama.

Moga gata mengharumi,
Terhormati dalam donya.
Bek na smbong di angkuhi,
Tapeuduli ureung hana.

Singoh wate rayok gata neuk poma ngon ayah tamah lom neuk ee beh......nyan beuna taingat sabe lam hate.
Oleh Atadroe Mukhtar Pin Bb 5284C72A

Demam Keu Euncin GIOK

<b>Tajak ek ugle takoh bak ara,
Takoh nyeng raya taplah keubalok,
Jino hai wareh tae u dum nyata,
Di nagan raya leupah lo giok,

Rab sithon leubeh Aceh Berjaya,
Dithei ulua trok nanggroe Bangkok,
Tanoh aceh nyoe keubit2 kaya,
Meubagoe rupa hasei jeut tacok,

Dari minyeuk gah trok batu bara,
Meuh pih sereuta lo that jeut tacok,
Hingga oh jino nyeng leubeh gura,
Ureng dum kaya ngen hasei giok,

Sidroe-droe tumei ube-be raya,
Ploh reutoh juta lheuh toke jak cok,
Nyeng ladom-ladom jeut bloe avanza,
Mendadak kaya wap batei teuphok,

Tetapi dilon nyeng sedih raya,
Teubit ie mata ile meu bhok2,
Oh ku kalon gob ube-be raya,
Euncik meumata rap be2 tukok,

Disok bak jaroe rab ube bola,
Oh wte diba baho ka suyok,
Blah Uneun peut blah wie 4 mata,
Meukilat cahya kalheuh meugeusok,

Nyankeuh seubabnyan seudih diteuka,
Seubab lon hana pat kucok,
Kahek lon mita udalam rimba,
Kahek lon raba rata jeut alok,

Hana meutume meu ube lada,
Tansoe peutaba meu ube pitok,
Meupeng pih hana ngen ulon tuka,
Hase keureuja sep-sep keu rukok,

Peu nyeng lon tume ulon sok sigra,
Lage bak gamba tae u that cocok,
Nyan keu dum dilon di teuka hawa,
Boh limeng makha sineuk ulon cok,

Jino bak jaroe lon ikat sigra,
Oh gob peunyata dikhem oh dok2,
Nyeng keuh dum rakan jino lon rasam
Demam asmara dilon keu giok,

Meumada ohno kisah lon buka,
dak takheun gila di lon ka harok,
nyo laen ureng laen seulera,
memacam cara ureng meulawok,

nyo keuh euncin nyeng that meuharga,
dak lake tuka han sagai kucok,
nyo nyeng asli sang hana dua,
supot Barossa di yub bak lon cok,

lon tuleh cae malam kajula,
nyo aneuk mata tae u ka gekgok,
karena singoh ulon kereuja,
kasep meumada haba lon pacok

Senin, 09 Maret 2015

ANTARA DUA MALAM

Atadroe Mukhtar

Salam alaikom warahmattuhu,
Saleum sigeutu mula phon lon bi.
Kepada rakan ummi ngen abu,
Bak malam minggu dengoe lon rawi.

Rika nyeng keuphon sedag berlalu,
Nibak nyoe minggu keu muda mudi.
Asal oh katroh sabe menunggu,
Mangat bek karu wap inkar janji.

Takalon heboh keu mlm minggu,
Status diserbu lam akun FB.
Nyeng ladum galau peugah kelabu,
Ladum nyen rindu saleng membagi.

Berbagi gaseh duduk sibangku,
Berbagi rindu peugah seurasi.
Meujajak dua surat tan sapeu,
Seuakan hayeu teungoh promosi.

Padahai harem geukheun le tgku,
Nyeng meunan laku sagai han geubi.
Nampak teubalek salah lop buku,
Sang2 syit geuyu masa bak Nabi.

Sunggoh beruntong bukon han laku,
Ureng lon tuju geunaseh Rabbi.
Bukon syit jomblo bek salah bahu,
Han jikap rayu hate teugunci.

Teuma keudua status meucuhu,
Meunan ulon eu lengkap ngen dali.
Bak mlm jum'at sunat kheun tgku,
Laen lom bahu di muda mudi.

Di ureng tuha nyengka dabelyu,
Han geubi karu bak muda mudi.
Padahal sunat memacam ta-eu,
Pahla melingkeu meukali-kali.

Panyang melewet lingka bak labu,
Paneuk meu-iku utom bak ubi.
Kadang ceurita haba lon tabeu,
Keusan tan meupeu keu intisari.

Meuah lon lake lewat rot layeu,
Kadang teuganggu panton lon rawi.
Lon tuleh panton mangat bek sungu,
Gantoe meutamu SILATURRAHMI.

PEU-INGAT KEU ANEUK

oleh : Atadroe Mukhtar

Alahai doe kuda idi,
Alahai di boh hate ma.
Deugoe wasit bacut lon bi,
Aneuk abi beumeuguna.

Gata hai neuk mantong bayi,
Poma dodi seubut ASMA.
Sidroe ALLAH beutaturi,
Maha tinggi peujeut donya.

Langet bumoe serta isi,
Khendak Rabbi laju kana.
Muhammadan nyankeh Nabi,
Geurasuli dalam donya.

Tameungucap syahadati,
Keu ilahi teurutama.
Dudoe lheh nyan untuk Nabi,
Dengan bunyi di bawanya.

ﺍ َﺷْﻬَﺪُﺍَﻧْﺎﻟَﺎﺍِﻟَﻪَ ﺍِﻟَّﺎﺍﻟﻠﻪُﻭَﺍَﺛْﻬَﺪُﺍَﻥَّﻣُﺤَﻤَّﺪًﺍ
ﺭَﺳٌﺆﻝُ ﺍﻟﻠﻪ
Wate rayoek aneuk abi,
Tajak ngaji bak ulama.
Haleu harem ngat taturi,
Nyeng toh keuji dgn hana.

Peugah haba hati-hati,
Bek roh benci ngen sesama.
Takeureuja pajoeh gaji,
Beu nyeng suci hai aneuk ma.

Peurintah poe taturuti,
Nyeng han geubi tanda tanya,
Maka jak beut mendalami,
Ngat jeut meuri sempureuna.

Ayah ngon mak saran meubi,
Bek tacaci ngoen tahina.
Adun - gure bek ta benci,
Dak vamili nyan pih sama.

Moga gata mengharumi,
Terhormati dalam donya.
Bek na smbong di angkuhi,
Tapeuduli ureung hana.

Singoh wate rayok gata neuk poma ngon ayah tamah lom neuk ee beh......nyan beuna taingat sabe lam hate.

Oleh Atadroe Mukhtar Pin Bb 5284C72A

Senin, 05 Januari 2015

INFORMASI HARGA PASAR


Gram-grum dilanget meuble-ble kilat,
Meudengung darat laoet dgn gle,
Jimeusue goegoe raya-raya that,
Bunoe na siat lampue pih mate.
Sayang boh beuteh jiekap le pacat,
Sayang boh coklat meuhai hana le,
Ureng meutani ngen ureng meukat,
Hana sama pakat oh kana hase.
Cobaa tapike tareunueng siat,
Wahai sahabat rakan boh hate,
Ureng meukebon tengoh meuharkat,
Meubeuku urat tip uroe sabe.
Barang kaji-ek bak ureung meukat,
Timue ngen barat sampai maroke,
Jasa petani pakoen murah that,
Wate geusukat peublo bak toke.
I H P => INFORMASI HARGA PASAR.
PAJAN JIEK YUM GEUTAH/KARET ILE ??

=::: Jasa Poma dan Ayah :::=


Malam kajula ka poh 12
Di lon that sosah han teungeu mata
Lon beudoh lon duk ateuh peuratah,
Hp lon peuhah fb lon buka
Grop aceh lam panton lon buka bagah
Meu tuleh kisah sboh nyeng nyata
Panton peu ingat keurakan meutuah
Katrep lon keubah golom lon buka
Nibak mlm nyo lon ujo surah
Be ok mslah dlm agama
Adab geutanyo keupoma ayah
Le nyeng ka salah takalon rupa
Whe ado lon nyeng ceudah2
Keu guna ayah beuna takira
Beungoh ngen supot mita nafakah
Meumacam ulah mita kereuja
Ladom dlm gle kaye gjak plah
Ladoh di sawah pade geupula
Ladom ugunong geujak si geutah
Ladom tung upah bak buruh gasa
Meumacam bago krja geu olah
Haleu bak Allah hna meudesya
Demi keu aneuk bek hudep sosah
Trok bak kulyah aneuk sikula
Oleh sebab nyan ado meutuah
Keu guna ayah taingat beuna
Meunan cit poma e putro ceudah
Gob nyan that sosah geu kandong gata
Uro ngen malam hte that sosah
Tboh sang teuplah oh lahe gata
Geu seurah dro keudeh bak Allah
Sket sileupah nyeng poma rasa
Wte kalahe aneuk meutuah
Galak meuleupah geucom ngen geuwa
Malam ngen uro gata geupapah
Ngen pisang teuplah geujok bu gata
Poma nyeng peumom wte gata grah
Gata meutuah taingat beuna
Malam ngen uro i"k ek poma rah
Baje nyeng cdah ka geuseudia
Oleh sbab nyan rakan lon peugah
Ta ingat beu beu pah jasa di poma
Oh wte rayok e bungong nawah
Bek sagai bntah ayah ngen poma
Pu2 nyeng geuyu tajak beubagah
Bek na meubantah meube ok haba
Nyo murka gobnyan ka murka Allah
Tanyo meutuah jeut darohaka
Dlm alqur'an cit na geusurah
Na riza Allah mnyo na riza poma
Wte geumeuyu hanjeut takheun ah
Beungeh that Allah keutanyo murka
Lam hadis Nabi pihna geupeugah
Syurga indah diyup kaki ma
Nyo darohaka keumak ngen ayah
Singoh geukubah dlm nuraka
Gaseh keu gure geujok ijazah
Gaseh kau nam mbah geupulang do'a
Gaseh keu tgku geupeuturi Allah
Gaseh keu ayah geujok pusaka
Gaseh keupoma guna tabalah
Gaseh keu Allah tamong syiruga
Tapubut suroh peu jioh teugah
Nyeng larang Allah bek takeureuja
Nyan keuh hai ado bacut lon peugah
Beurayok meuah meunyo na gasa
Haba nyeng beutoi trok dari Allah
Meunyo nyeng salah silap lon tleh rika
Meunyo nyeng galak koment beubagah
Kritikan nyeng pah silahkan saja
Mnyo han ek neubaca sigra neupinah
Jeut bek le leumah lam akun gata
Nyeng ulon tuleh haba amanah
Firman Allah ngen hadis maja
Menyo hi ragu tajak bak dayah
Jeut leubeh lom pah tadeungo nyata.
<<<<selamat hari ibu>>>>>

ULANG TAHUN TSUNAMI


Allahu Allahurabbi,
Syukur keurabbi sidroe ilahon,
Selaweut saleum sabee bak bibie,
Keusidroe nabi utusan rabbon,
Nibak malam nyoe lon peugot rawi,
Ya Allah neubi beutrang hatee lon,
Ngen tuah gure lam ulee leupi,,
Keubhah stunami lon ujo suson,
Yoh buno uroe tapeuringati,
Saboh tragedi geu ulang tahon,
Saboh seujarah Aceh seurambi,
Dile terjadi kheundak bak rabbon,
Yoh golom damai gam deungon R.I,
Manteng su minimi di gle ngen gampong,
Rakyat sengsara geuklik meu ie’ie,
Bak ujong gaki adat ngen hukom,
Hingga troh masa kuasa rabbi,
Saboh tragedi nibak akhe thon,
2004 ngen thon masehi,
Cobaan neubi bala neupeutron,
Bak beungoh minggu geumpa teujadi,
Meugokgok bumi donya meu hayon,
Tanoh dum crah-crah di tubit ngen ie,
Reuloh ngon titi runtoh ngen geudong,
Wate kareuda geumpa terjadi,
Sideh di pasi asai mula phon,
Di beudoh bakat Allah hurabbi,
Leupah that tinggi santeut ngen geudong,
Teuka geulumbang raya han sakri,
Mulai di pasi banbadum di ron,
Rumoh ngen toko warong meukat mie,
Ngen moto mersi geulumbang gulong,
Kuasa Allah hantroh takaji,,
Oh wate geubi han ek tatanggong,
Barang dum di ba oleh stunami,
Ureng dalam ie meu apong-apong,
Wate taingat seudeh hansakri,
Didalam hati teurasa tutong,
Wte takalen oh di surot ie,
Mayet meuriti kota ngen gampong,
Hate sang diklik mata sang me ie,
Oh ta peurati tamoe taranggong,
Jino takeunang ultah stunami,
Taperingati doa bak rabbon,
Smoga arwah korban stunami,
Beu ek Allah bie syuruga lambong,
Pahala syahit be ek Allah bie,
Ahli famili dan bandum kaom,
Dengon momentum ultah tsunami,
Umat islami ingat keurabbon,
Di dalam hudep pareksa diri,
Iman lam hati tanyo peubeutoi,
Meumada ohno lon undur diri,
Soal tsunami nyeng jeut lon suson,
Mgken golom jeut lon peugot rawi,
Meauh beu tabi wahe dum kawom,
Ticem di meulot ateuh bak jawi,
Ticem keudidi pajoh boh sukon,
Sekedar haba nyeng jeut lon rawi,
Ulon akhiri wassalamialaikom.



 Alahai adun cutbang puteh di,
Aceh serambi geulombang gulong,
Kana siploh thon tapeuringati,

Jinoe keula-i kabak akhe thon.

Meuah lon lake teulat ku ili,
Dalam meuseni tanyo meupanton,
Hajat lam hate keuneuk meurawi,
Tuk tareunungi tip tip troh bak thon.

Baroe yoh jum'at mandum geubagi,
Naskah geukopi na meupadup oen,
Keupada khatip geuyue kabari,
Asoe lam isi rata jeut dusoen.

Panton diateuh seudeh sekali,
Glombang tsunami raya that gulong,
Lam ibu kota kajeut keupasi,
Kahana le meri rimba ngen duson.

Semoga tanyoe mandum insani,
Yang domisili tinggal di gampong,
Tacok ikhtibar yg ka terjadi,
Tuk perbaiki sepanjang tahon.

Meuah lon poma


Allahumaghfirli zunubi.
Waliwalidayya warhamhuma.
Kama rabbayani.
Shaghira.
Neu brie ya allah ilahi rabbi.
Doa lon suci keu ayah bunda,
Doa lon ireng dalam sujudi.
Lon iringi doa keu poma,
Meuah keu aneuk wahee ee ummi.
Sinyak puteh di
Mgkin meudesya,
Hna lon aneuk sdroe yg berbakti.
Kadang lon caci jet keu saket hate ma,
Menyesai ulon wahee ya rabbi.
Lagee pancuri ulon lam kluarga,
Hna rsa sayag sabee lon iri.
Mndum loen benci rakan keluarga,
Jinoe lon tuleh mndum lon putie,
Kecewa hati wahee ibunda.
Doa lon suson sabee bak rabbi.
Neubri ilahi beu ampon dausa,
Dausa ulon keluarga sendiri.
Abi ngoen ummi juga syedara,
Hna lon ingkar kiban yg janji.
Jinoe hay abi han lee dimalaya,
Dua thon leubeh ulon disini.
Hna deuh dali ulon kerija,
Rata jet toke juga compeny.
Wahee ee abi ulon didusta,
kerna salah aneuk ngon ummi.
Hna loen peuduli keu saudara mara.
Ie mata dilee malam ngoen hari.
Mnyesal sendiri tanpa bhagia,
Peudeeh naseb ulon sendiri.
Susah hna hudep sengsara.
lon kerja mlam ngon hari.
Niat dihati bek susah saudara,tujuan hudp mandiri.
Tapi hai abi ulon sengsara,
Lankah ulon grak lon buoet gaki.
Lon tinggali gmpong ngoen desa,
Hna lon pateh ummi ngon abi.
Sok hayeue keudri meuteuoh hbat raya,
Saket di ulon dlm thoen ini.
Sampoe hari ini tan mupat peunawa.
Wahee ee poma loen mohon abi.
Meuah keuh neubri keu lon hy bunda,
Lon takot tiwah di grop dalam ie.
Lon takot keubiri di grop lam paya,
Yoh wTe susah ummi ngon abi.
Han lon peuduli meugah lon kaya,
Hna lon telpon hna lon hubungi.
Hna lon kabari keudroneuh poma,
Hna lon jok surat meusitali.
Menyesai loen abi jinoe lon rasa,
Meuah keuh ulon meuah keuh abi.
lon sujud gaki lon com droneuh poma,
Neu buka hatee keu lon hy ummi.
Keu lon hy abi neu ampon dausa,
Didikan poma ka dngoen abi.
Cukop berharga sekali baroe lon rasa,
Jinoe ulon woe lon jak berbakti.
Bak abi ummi hingga teutoep ngon mata.

PEUTEUPAT ALAMAT


OLEH : Nas Ujca
================================
Meukru semangat langet yang manyang
Cahaya jih trang si bintang kala
Assalamualaikom haba lon layang
Keu bandum rakan jamak lon sapa
Indah lam laot arong geulombang
Puteh dum rembang lam laoet raya
Meuah lon paot saboh kabaran
Tempat lon tinggai jinoe peunyata
Tajak u laot kawe sembilang
Umpeun jih rakan u meun yg raya
Jinoe lon sebut di dalam karang
Desa lon tuan kana lam gamba
Beneung ta tarek selayang manyang
Beuget peutimang oh angen teuga
di Kecamatan geuboh nan sawang
Di tapak tuan geuboh nan kota
Meusoe na leupah keudeh e rakan
Bak ulon tuan piyoh ju sigra
Bek male male bek segan segan
Neutanyoeng ju nan pat rumoh Nas ujca
Siet hana jioh rumoh lon tuan
Toto jembatan ek keubeu nama
Disinan keuh rumoh lon tuan
Menan kabaran kaleuh ku puta
Meumada eh noe haba lon layang
Pat kesalahan lon mohon pinta
Maklum keuh ulon baroe meu ulang
Panton pon karang baroe lon coba.

PANTOEN ACEH

¤ BUKOEN LON TULAK ¤
Jipoet angen gle jitoh ngen ujeun,
U muyup kareung Cicem meusua,
Teuka ie raya paya ngop ateung,
Reubah teugageung meuputa2.
Pakiban tajak han mupat ateung,
Oh wate takheun kameunan kada,
Maklum di ulon beulanja kureung,
Hana pat diyeung miskin that harta.
Han sagop dilon gata lon jak tueng,
Beuthat tatimpueng ulon taceula,
Karena jarak laoet meulinteung,
Hansep pelampung wate lon kira.
Adakna HELY peusawat tempur,
Bak uroe libur lon jak tamasya,
Tapi nyan hana bak jaroe aduen,
Gata beumaklum nasib kakanda.
Dilon pih muntah han sanggop lon theun,
Tajak et bireun sampoe u Banda,
Adak pih male kalheuh ulon kheun,
Bek jeut keuhireun wahai adinda.
Kanasib badan dari phon jameun,
Sabe lon jangeun ngen gop that beda,
Gata bek seudih hate teumernung,
Tapreh lon jak tung hana troh teuka.
Mungken getanyo hana peutemuen,
Ngen gata Ainun tamse keu nama,
Jinoe tagantoe wahe dek buleun,
Ngen laen ureung keu judoe adinda.
Doa nibak lon sabe lam jangeun,
Jaroe ulon leung lon mohon pinta,
Keujudoe gata lakoe keu imum,
Gata keu makmum lam keluarga.
Amanah lon bi yoh masa jameun,
Tatubit uleun jelbab bek tabuka,
Pakaian tashoek beugot tadiyeung,
Bek dosa ureung oh dikalen gata.
Haba metutoe beugot tajangeun,
Beumurah senyum dgn syedara,
Habblum minaLLAH wahai dek buleun,
Juga ngen ureung jaga wibawa.
Nyan Tajaga beugot that...!