4 PERKAHRA NAK MUDAH RASEUKI (Kalam Imam Syafi'i)

Akhbar Al-Mutawassila

Assalamu'alaikum, wareh ngon taulan

Tapujoe Tuhan, tiep-tiep kutika
Seulaweut Saleum, keu Nabi Khatam
Sahbat seukalian, dan keluarga

Meunyoe geutanyoe, tajak u Medan
Teuntee hai rakan, ta lewat Langsa
Imum syafi'i, na geumeu kalam
Nak keumudahan, raseuki Hamba

Peureutama phon, peu udep malam
Tanyoe hai rakan, beujai meujaga
Pubuet ibadah, nyang Ridha Tuhan
Meubek kalon Bhan, nyan yang lumboi sa

Beujai Istighfar, keu 2 teuman
Masa keuteutapan, 'oh sawoe teuka
Sinan geutanyoe, lakee amponan
Disaat insan, teungeut jidoda

Tabri seudeukah, peu keumudahan
Keupada si"man", peuminta-minta
Meunan geupeugah, keu 3 bilangan
E Wahee rakan, ulon peunyata

Teuma nyang keu 4, beulee hai taulan
Wirid neupaban, nahar ngon laila
Tanyoe meuzikir, peu Agong Tuhan
tanda meunyatakan, meupangkat Hamba

Bandum peukahra, kalheuh lon peutrang
pat keusalahan, neuteugor sigra
Maklum diulon, lee kekurangan
Lam pengajaran, caroeng pih hana

Akhbar Al-Mutawassila
Lhokseumawe, 21 April 2014

Atadroe Mukhtar

 Wa alaikom salam, E wareh taulan,
Ateuh sapaan, lon samboet sigra,
Saleum seujahtra, yg nesampaikan,
Kepada rakan, dari tgk mutawasila.

Kabar gembira, amanah ditaulan,
Dalam kutipan, droenuh yg baca,
Cukop that mulia, haba lam peusan,
Lam bentuk ringkasan, jet saboh rika.

Dakwah keutanda, lam seni hiburan,
Meunan isian, dalam tutur kata,
Lon that bangga, senang pikiran,
Ateh pencerahan, wate lon baca.

Syukur keu Allah, keu sidroe tuhan,
Ateuh pelajaran, yg katroh teuka,
Semoga kanda, beu sehat badan,
Beuloe kemudahan, ilme meuganda.

Aamiin Ya Allah, Aamiin Ya tuhan,
Yg peujet alam, langet ngen donya,
Rika meumakna, ka geuanjurkan,
Keupda rakan, semoga terlaksana.

Beujitem pubut le mandum krue penghuni ALP.