==='BEKNA MEUPALENG'===

Atadroe Mukhtar

Timoh lam pageu sibak tring gadeng,
Timoh disampeng sibungong jempa,
Luroh oen tuha katinggai ranteng,
Meugantoe laen timoh oen muda.

Sengaja kupula lon anggap penteng,
Hate lon meucen rindu jiteuka,
Jet bek dicuca wate gop kereleng,
Maka kupateng pageu ban selingka.

Smangat lam krja badan lon banteng,
Smangat lam baten hate gembira,
Lon harap gata bekna meupaleng,
Yg tanyoe jalen beugot tajaga.

Menyo hana taputa pane jipuseng,
Menyo hana taweng pane jigisa,
Bek wate tuha hubungan tagunteng,
Bek gata jak gandeng pedua cinta.

Maka oleh nyan pesan lon ireng,
Jujur beukayem tajaweub haba,
Bekna merahasia wate jisuwepeng,
Peugah ju lazem apa-apa yg ada.

Tajak bak titie tanging u geunireng,
Tajak rot sampeng beutajam mata,
Bek sampe tegoda hate tepanceng,
Ngen pemuda laen yg tanpan rupa.

Hahahaha..nyan pesan aneuk muda..