PIASAN DONYA

Mus Tawa

Habeh gura ta'eu piasan
Dum pasangan bak jln raya
Ji duk honda tan ukuran
Lage setan dipeugot cara

Nyoe ta tanyong na jawaban
Aneuk mak tuan yang ulon ba
Di meunikah hana meujan
Tapi alasan ka meukeluarga

Ji duk kangkang ji'oh cit tan
Jap ngon badan serta dada
Ladom ureung cit na tujuan
Peumeu'en timphan wate dua

Kamoe agam cit nyan piasan
Trok tujuan abeh peukara
Gata yang inong beuna sadaran
Nyan timphan tolong jaga

Bek neu peublo bak pasaran
Sayang intan hana laba
Haba lon nyoe kon tamsilan
Tapi rakan beutoi nyata

Wahe syedara bandum rakan
Ingat Tuhan laju beu sigra
Bek sampe singoh penyesalan
Akherat taulan lam Nuraka

Tolong syedara bandum rakan
Beuna balasan panton neutuka
Yang tem coment mudah-mudahan
Hamba Tuhan siumu masa.