Malam Minggu

Atadroe Mukhtar

26 April pukul 21:50 

MALAM MINGGU 

Bacut lon kisah lam saboh surat,
Bacut lon riwat lam saboh lagu,
Bacut lon bahu haba lam radat,
Bacut lon radat bak malam minggu.

Rap rata kota timue ngen barat,
Rap rata tempat hana le sunggu,
Bak mlm minggu meukarat karat,
Han geutem teulat mise ta-eu.

Ladum geujak cuma syit si-at,
Lhuh nyan sahbat geuwoe laju,
Na ngen adek melu ladum gepakat,
Lumpah that gawat meu iku iku.

Tapi yang ladum wahe e sahbat,
Hape siat-at nada jie meusue,
Dari sayag ku alamat kamupat,
Meunan geusurat bak layar dikeu.

Wate ditelepoen laju di angkat,
Jak peutroh hajat bek keulabu,
Di adek melu pi get that ladat,
Hana geutupat male ngen abu.

Kepada kawom adam tadingo siat,
Nyan gelarang that mebek tapekaru,
Bek meu iku-iku ta ikoet bangsat,
Singoh geutakat di dalam kubu.

Keu kaom hawa juga lon surat,
Ta ingat keu jasat gata hai melu,
Umi ngen abu getanyo tajaga that,
Bek tapeubatat pakiban ngen laku.

komentar

Hafidz Kom Puter 

Mangat tapip rukok ardat,
Mangat Lezat rukok samsu.
Mangat ie U jeut keu ubat,
Mangat radat mlm minggu.

Chi kutes meu saboh riwat,
Chi ku takat meu sigo lalu.
Chi ku rawi meu saboh ikat,
Chi ku nekat bak rika Abu.

Alue laseh jalan u Jirat,
Alue langsat chi bak Iku.
Alue Bilie jalan teupat,
Alue pukat Kuala bak U.

Cukop lagak rika sahbat,
Cukop radat yg neu bahu.
Cukop Rapi bareh teupat,
Cukop Urat Irama Lagu.

Kisah rika yg neu sukat,
Kisah Curhat Mlam Minggu.
Kisah Lalu tarek Pukat,
Kisah Riwat Cukop Lucu.

Dengoe haba tgk Radat,
Dengoe riwat dlm lagu,
Dengoe laju jeut keu ubat,
Dengoe sahbat amanah abu.

Bek gata jak bak jln sesat,
Bek gata Rat jak seutot iku.
Bek neu cuca kiing neu lipat,
Bek Ta Intat hidang Tabeu.

Jino laju gata taubat,
Jino Ikat Amal dikeu.
Jino tgk dengo nasehat,
Jino sobat ta bersatu.

Aceh lam panton macam riwat,
Aceh lam radat model lagu,
Aceh Lam rawi cukop hebat,
Aceh Lam surat ALP Maju.

Salam Kompak mantong..

Irwandi 

kakeuneng lon kli nyo,

allahurabbi yg po hadharat,
neubi ntrok hjat nbak mlm minggu,
nbi keuh btrok kuradat,
medua ikat hba keu tgk,

wte lon bca oh geumeradat,
lge keuneng takat nbak keneung bak taku
,geupeuduk kata indah han sapat,
pyah kubalah radak mngat bek karu,

whe ee cut bg yg lon hormat,
hba lam radak skit lam htiku,
pken jeut lge nyan oh geumeradat,
pu cut bg terhormat han laku2,

bcut psan lon bak adx pteh lemak,
kajaga beget that ee bngong melu,
bek that kjak ngen bang dosamat,
enteuk mekumat kna boh labu,

dra lwet nyo le yg ptoh urat,
oh dipakat pih dtem laju,

hahaha

Sudirman 

Bak kaye mate di timoh kulat,
Bak kaye bulat keuneurop pageu,
Meuah keu ulon troh cukop teulat,
Bah lheuh bulukat buno di dapu,

Ohban lon baca dalam hikayat,
Kisah cukop brat bak mlm minggu,
Ku ujo sambong meudua urat,
Kadang ek tupat kadang meujampu,

Memang jameun nyo parah keubit that,
Hana le meupat uram ngen iku,
Karame ureung salah jib ubat,
Gatai ngen kurap ka diboh gapu,

Nyeng toh atadroe didalam adat,
Nyeng wjeb that2 geutanyoe bntu,
Tetapi jino kasalah takat,
Ngen ala barat lo ka meujampu,

Peulom tapeugah nyeng leubeh batat,
Sok leuweu keutat jak mlm minggu,
Diduk dilikot diwa oh krap2,
leh kiban dimat hana ulon eu,

Pokok oh diwoe ka payah tungkat,
Aleh pu seubab dikap le uleu,
Nyo masalah nyan bekle lon surat,
Meunyo panyang that hanale meupu,

Roh hana kuthe di teuka lap lap,
Di teuka ilhap lon kheun ranggapu,
Maka seubab nyan haba lon singkat,
Bekle lon sambat panyang meubahu,

Keu pak keutua saleum horeumat,
Keu laen sahbat ban mandum tgk,
Keu ummi2 meuah rayok that,
Bukon lon kaplat meuno lam lagu,

Adak beu ek lo gata lon upat,
Nyeng leubeh that2 kedro ci ta eu,
Nyeng leubeh hai dek keudroe ta ingat,
Nyan nyeng peunteng that e bungong meulu,

Bek tuwo doa nibak hadharat,
Beu ek seulamat iman lam kalbu,
Meubek teugoda nibak but laknat,
Azeub peudeh that oh trok lam kubu,