===DITINGGAI LE GASEH===

Atadroe Mukhtar

Harap keupayong-payong katireh,
Harap keu Ampeh-ampeh kabocoe,
Harap keu adoe ureng lon gaseh,
Oh ban lon ra-eh kaji'oeh tapoe.

Jinoe kasirna lam hate lon peudeh,
Ureng lon gaseh tanle meuhoe,
Demi ke adoe dompet lon lipeh,
Jak keunoe-keudeh kusewa motoe.

Asal ku nonton TV - TVRI kupileh,
Sambilan lon eh-eh wate cot uroe,
Jaroe ateuh dhoe gakie cong binteh,
Sang deuh adoe sideh dilua nangroe.

Susah lam dada kecewa melapeh,
Luka meucureh sang luroh asoe,
Rap jet-jet uroe kerja lon eh-eh,
Badan kalipeh pikiran lon kacoe.

Tatem ingkari janji masa uroe jeh,
Hna tagaseh slama tanle na motoe.
Rupajih adoe harta yang tapileh,
Baroe tagaseh tamanja tip uroe.

Suami gata mejuta peng lam keh,
Sino ngen sideh na gepedog tokoe,
Didalam nanggroe ureng pi areh,
Hana slah pileh anek ureng mesoe.

Sdangkan dilon mekuwin lam tapeh,
Ngen untog seudeh tanle soe hiroe,
Doa bak poe hate lon beupuleh,
Bek le meucureh luka lam asoe.

Jinoe kasadar baro lon pateh,
Dile tan kusapeh troh urg pekacoe,
Jpegah adoe teuga that melangeh,
Bak laen gaseh jantong hate droe.

Kasep keuh ohnoe rika lon tuleh,
Ngen ie mata puteh jilei meutaloe,
Kuwet neuk jaroe kriwat lam beuteh,
Hate lon seudeh teumoe tip uroe.

Euheuk...euheuk...euheuk~~ Peu'im siat leh.. Euheuk..;-(