MALAM MINGGU

Sudirman 

indah dilanget karna bintang hu,
Ngen bintang timu indah meucahya,
Bacut lon peugah keu malam minggu,
Bacut lam lagu nasehat lon ba,

Bak aneuk muda di jak meulalu,
Ta eu meureunu bak jalan raya,
Di likot honda na bungong meulu,
Keudeh di peukeu lam supot buta,

Muda ngen mudi salah peulaku,
Nyeng hana tayu galak di keurja,
Dalam agama cit hana geuyu,
Jak malam minggu rayok that dosa,

E adek dara ta ingat laju,
Bek tatem layu nyo goh troh masa,
Gata hai adek ban bungong meulu,
Nyo galom layu rame di suka,

Meumacam cara gata di rayu,
Beu ek meuteumeu maksud ngen gata,
Peulom di gata wajah that ayu,
Rame nyeng keumeu bndum pemuda.

Umpama kumbang di jak cok madu.
Oh bungong layu han le di gisa,
Maka e ado ingat beu meupu,
Bak malam minggu bek le jak dua,
Beuna ta ingat laknat tuhanku,
Dalam apui hu gata geuseksa,

Haba peuingat kasep sigeutu,
Meuah e tgku nyo salah haba.
Ilon peugah be2 lon teupu.
Dak hana tayu beu ek tajaga.