PIASAN DROE

Riza Al Azzin

maen bola sakeit gaki,
maen voli meusak jaroe,
maen tinju keumeong bibi,
maen kasti keuneong bak dhoe,

maen silat bukah gusi,
maen ruqbi luwa nangroe,
maen catoo bak kurusi,
bola guni tenis tampoe,

lam kulam renang jak meuili,
lomba lari plueng meutaloe,
lomba keumayoeh ngeon jaloo pasi,
lomba nari macam bagoe,

tumboek dada maen seudati,
lomba seni jak meureunoe,
maen cinta sakeit hati,
timoeh benci ban han sampoe,

eih noe manteong maen rawi,
laein kali loen gisa keunoe,
malam jula teuka sunyi,
maen fbi ka kuweut jaroe,