BEKLE TARINDU

Sudirman

Lagak takalon si ticem pala,

Ateuh bak pala di kuprak iku,

Katrep sang hana keuno lon teuka,
Keu bndum anggota hate lon rindu,

Dilon neuk peugah saboh ceurita,
Di dalam dada katrep meubeku,
Di dalam cae jino ulon ba,
Sepi that rasa oh mlam minggu,

Semoga mantoeng beu tatem baca,
Haba keugata jino lon tuju,
Akan tetapi beungeh bek teuka,
Haba lam rika peugadoh seungu,

Keulon hai adoe bekle tacinta,
Hanale masa keulon tarindu,
Tamita laen nyeng that setia,
nyeng han keucewa wate tapadu,

lon lake meuah jino bak gata,
ubit ngen raya lon sujud dikeu,
jeut bek meukeumat troh padang msya,
tapeugleh dosa bek na le ragu,

ta anggap hana bandum tan nyata,
bandum ka sirna badai berlalu,
pu nyeng terjadi anggap biasa,
tacok keu makna akan oh ukeu,

lon harap gata mebek keucewa,
hate lam dada meubek le pilu,
meubek that larut dlm ie mata,
meubek meurana e bungong melu,

bekle tapike nyeng hana guna,
nyeng hana laba tatik lam alu,
beudoh tabangket tabuka mata,
ta eu ulua ramee menunggu,

keu masa depan jino takira,
ngen cita-cita harapan ukeu,
bek that galak peutimang rasa,
bek tapeukeucewa ayah ngen ibu,

cit teungoh wate ta gapai cita,
kareuna gata muda that umu,
harapan ulon smoga bahgia,
pu nyeng ta cita beutroh tatuju,

keu ulon jino ta nit saudara,
saboh yah ngen ma ataupun nektu,
bekna harapan nyeng leubeh raya,
hanjeut lon buka kalon top layeu,

hanjeut ulon jok sibungkoh sutra,
asoe jih kana dalam seningkue,
adak ulon jok harapan hampa,
akhee keucewa wate tatupu,

Cuma etno keuh sipatah haba,
Peumeuah dosa uram ngen iku,
Dngon meukarat hate lon goga,
Lon karang haba meujampu-jampu,

Wassalam,,,