KEUNANGAN CINTA

Kuta Nagan

Tadingo hai adek bacut bang pegah'
Bek ile tabantah tapaleng muka'
Geutanyoe dua geu takdir le Allah'
Jinoe meupisah lam jareng cinta.

Bek le tamo dek E hate bek gundah'
Bandum taseurah bak yg kuasa'
Kiban tpegot dek E but kalupah'
Jinoe beu ikhlas hate beu reza.

Karna di abang buken ureng megah'
Ureng yg susah tamah ngen hina'
Belanja pi hana yg abang keubah'
Harta meulimpah nyan pi hana.

Kalhuh bang useha kalhuh tapapah'
Tapi han leupah sabe lam mara'
Janji dgn gata dek tanyo menikah'
Kalewat batas galom na peuha.

Gata pie ji'oh hantroh ta langkah'
Beda daerah geutanyoe dua'
Bek meulalang2 poma ngn ayah'
Tulong dek peugah haba dri kanda.

Tapeumeu'ah abang ubeina salah'
But yg leupah kadang na gasa'
Haba lam dosa telanjoe lidah'
Wate lon peugah hana sengaja.

Walo lam hate meuluka darah'
Cinta tapapah dudoe keucewa'
Seusak lam da2 tuleng sang patah'
Menan takisah tamse umpama.

Kasep keuh oh'no rika lon unggah'
Mata kamirah seudeh teurasa'
Hanjet le tarika hanjet tapeugah'
Rasa nyum beukah hate lam dada.

kommentar dari :

• 

  Sudirman

  
  
•  wate kubaca galau si leupah, 
  dilon rap reubah ku deungoe haba, 
  pakon oh ludoe cinta ta ubah, 
  beda daerah alasan taba, 
  
  hana meulinteung laot nyeng luah,
  jurang peumisah cma beda kota, 
  pakoe jeut meuno dudoe tapeugah, 
  siputroe ceudah pasti keucewa,
  
  bek tatheun tuloe nyo hana geutah,
  nyeng na cit sosah rugo teunaga, 
  trnyata cnta tan ube peugah,
  harapan bicah hantroeh be cita, 
  
  taikat jaloe nibak bak lipah, 
  peunganyoh patah dlm ie raya,
  deungon impian harapan indah,
  beu ek teureuah mahligai cnta,
  
  tan guna tamoe ie mata basah,
  dak ile darah hana meuguna,
  kareuna knda cnta neu ubah,
  pakat meupisah meusalah hana,

• 

  Kuta Nagan 
• 
  
• Kanasib badan e pak metuwah'
• Kamoe meupisah tan le sapat dua'
  Lukup aneuk mata sidara ceudah'
  Wate lon peugah meunan haba.
  
  Oh kupeugah dilon pie gundah'
  Hate lon gelisah didalam dada'
  Karena cinta akhe meu ubah'
  Karena han lupah wate kuhila.
  
  Jeulamei pi gap meuhai sileupah'
  Keu asoe peuratah juga takira'
  50 juta lon tuleh bak kereutah'
  Wate gop peugah ulon yg kira.
  
  Sedangkan dilon untog that susah'
  Harta yg melimpah dilon nyan hana'
  Kerja wate uroe kujak sie geutah'
  Bantu mak ngn yah lam rumoh tgga.
  
  Kiban tapeugot buet ka teulah'
  Cintah meugitah lengket tarara'
  Akhe kecewa han metumeng nikah'
  Karna nafakah han sep beulanja.
  
  Kupike jeut meu utang roenyan. Hahaha