weuh hate

Sudirman

Dilanget manyang mata uro bleut,
Sibungong reudeup luroh bak tangke,
Di tubit reu oh lam tuboh keuweut,
Hek bak tamubut sapu tan hase,,

Nibak malam nyo meuah keuh bacut,
Dilon meukeusut keumeu meu ca’e,
Dak hana panyang ube be nyeng jeut,
Dang-dang tateungeut ngen bantal gule,

Adak ulon eh han item teungeut,
Nyo golom lon sut dum asoe hate,
Dalam pikiran ka brat me cu’t-cu’t,
Nyo han ulon sut meubeku hate,

Keusidro ureung nan tan lon sebut,
Ureung meusaneut lagak ngen pi’e,
Semoga gata tatuho maksud,
Bungong meulu cut deungo lon mise,

Awoh tuboh lon hai dx bago peunyeukeut
Jaroe lon bakbut gata lon pikee,
Rela lon mate dak takut tacu’t
Adak taseunut han lon kheun bekle,

Demi keu gata nyeng mantong ubeut,
Beu jeut-jeut keubut oh taseumike,
Asai phon kudee na dari geutu’t,
Phon bacut-bacut dudo jeut pake,

Jino di gata ta beudoh tableut,
Bek sabee teungeut adoe bohate,
Yoh goh tapeugah tapikee beujeut,
Meubek taturut nibak kheun hatee,

Nyo teungoh galak beuranggaban jeut,
Nyo teungoh meuheut di dalam hate,
Hana takira manyang ngen miyub,
Rayok ngen ubeut hana ta pike,

Penyaket nyeng plung meubek tatiyeub,
Lam gaki keuweut reu oh pih di lee,
Tip-tip keruja nyeng tanyo pubut,
Tatanggong jaweub oh uro page,

Keureunyeun balee kayee nyeng teupheut,
Bara jambo beut tameh meurante,
Meubek keuh seudeh oh han lon sambut,
Kon han lon meheut keu gata bohate,

Tapi yoh gohlom tapike beujeut,
Oh ka meu reut-reut hana arti le,
Gata lon sayang kon bacut-bacut,
Dak mise darut dalam bak pade,

Gata lon anggap saudara seubut,
Meubek le meuheut keulon tapike,
Han mungken cinta tapeujeut keubut,
Ulon tajurut bekna lam hate,

Ta anggap mantong kenangan kusut,
Tapakek hanjeut hana guna le,
Meubek keuh ta moe ie mata bulut,
Bungong meulu cut seungap laju le,

Bah keuh cut bang jak ku arong laut,
Hanjeut talanjut cinta ta uke,
Beuthat pih tamoe dikeu tasujut,
Han cut bang kheun jeut beuthat tagule,

Adak lon teupeu saket dalam prut,
Boh timon tirut han lon pajoh le,
Meunyo lon teupeu na duro reudeup,
Han lon meurateub sideh bineh gle,

Adak lon teupu meuno meurut-rut,
Han ulon pubut awai ngen akhe,
Wahe adoe lon beu mangat teunget,
Badan teuh pijut nyo that tapike,

LON TAN LE JEUT BEH,,